Այս պահին գնում ենք անդունդի կողքով եւ 1մմ սխալ շեղումը կարող է թանկ նստել։ Այս մասին այսօր՝ հոկտեմբերի 31-ին, Ազգային ժողովում լրագրողների հետ զրույցում ասել է ԲՀԿ խմբակցության պատգամավոր Միքայել Մելքումյանն՝ անդրադառնալով կառավարության այն հայտարարությանը, որ այս բյուջեով կայունության պահպանման խնդիրն են լուծում։
«Այո, ես սոցիալական, տնտեսական առումով դրական առաջընթաց չեմ տեսնում։ Ես ոչ շատ բացասական ոչ էլ օպտիմիստական ակնոցով եմ ուզում նայել այս բյուջեին։ Այսօր տնտեսական եւ սոցիալական բարեփոխումները արդյունք կարող են տալ, եթե ռեալ քաղաքական կամք լինի։ Մենք ժամանակին ունեցել ենք 5-6 տոկոս աճ, բայց արդյունքներ ռեալ չեն եղել։ Եղել են վիճակագրական տվյալներ։ Ես խանդավառված չեմ, եկեք սպասենք ամիս ու կես, կտեսնենք՝ ինչ կլինի։ Որեւէ նոր կառավարություն երբեք չի կարող ասել, որ եկել է ընդամենը մի վիճակ պահելու։ Այսինքն՝ դու ջրի մեջ ես, քիթդ ջրից դուրս է, հիմա դրա նման է, մենք գնումենք անդունդի կողքով եւ 1մմ սխալ շեղումը կարող է թանկ նստել»,-ասել է տննտեսագետը։