Ես ինքս եմ խոսել Վարդենիսի քաղաքապետի հետ, եւ նա ինձ ասել է, որ ոչ մի նման բան էլ չի եղել: Այս մասին նոյեմբերի 1-ին խորհրդարանում ասել է Գեղարքունիքի մարզպետ Ռաֆիկ Գրիգորյանը՝ մեկնաբանելով Վարդենիսի քաղաքապետ Վոլոդյա Խլոյանին ծեծելու մասին լուրերը: «Քաղաքապետն հիմա էլ աշխատում է իր աշխատասենյակում: Ես զանգել եմ նրան եւ խոսել հետը: Նա ասաց՝ նման բան չկա: Հերքում են նաեւ իրավապահ մարմինները»,- ասել է մարզպետը: