News
Լրահոս
News
Շաբաթ
Հունվար 20
Տեսնել լրահոսը

ՀՀ էներգետիկ ենթակառուցվածքների եւ բնական պաշարների նախարարության պատվիրակության հոկտեմբերի 31-ից նոյեմբերի 1-ը Իրան կատարած այցի  շրջանակներում նախաստորագրվել է փոխըմբռնման հուշագիր՝ գազի առք ու վաճառքի եւ տարանցման վերաբերյալ։ Հուշագիրը նախաստորագրվել է Իրանի գազի արտահանման ազգային ընկերության եւ «Էներգաիմպեքս» ՓԲԸ միջեւ։ Փաստաթուղթը առաջիկայում սահմանված կարգով կներկայացվի ստորագրման։

Իրան կատարած այցի շրջանակներում ՀՀ էներգետիկ ենթակառուցվածքների եւ բնական պաշարների փոխնախարար Հ. Հարությունյանի գլխավորած պատվիրակությունը մի շարք հանդիպումներ է ունեցել էներգետիկ ոլորտի պատասխանատուների հետ։

ԻԻՀ  նավթի նախարարի տեղակալ, գազի ազգային ընկերության տնօրեն Հ. Արաղի եւ Իրանի գազի արտահանման ազգային ընկերության գործադիր տնօրենի պաշտոնակատար Ա. Ամիրանիի հետ քննարկվել են գազի բնագավառում երկու երկրների գործակցության ներկա վիճակը եւ տարածաշրջանային համագործակցության ընդլայնման, մասնավորապես Հայաստանի տարածքով դեպի երրորդ երկրներ գազի տարանցման հեռանկարները։

Պատվիրակությունը հանդիպումներ է ունեցել նաեւ ԻԻՀ  էներգետիկայի նախարարի տեղակալ Հ. Ֆալահաթիանի եւ նախարարի խորհրդական Հ. Հայերիի հետ։ Հանդիպումների առանցքում եղել են էլեկտրաէներգետիկայի բնագավառում էլեկտրաէներգիայի փոխհոսքերի ծավալների մեծացման հարցերը՝ հաշվի առնելով տարածաշրջանային համագործակցության ընդլայնման հեռանկարները։ Կողմերն անդրադարձել են էլեկտրահաղորդման գծերի առկա թողունակության շրջանակներում Հայաստան-Իրան-Վրաստան փոխհոսքերի ավելացմանը, ինչպես նաեւ սպասվող նոր ենթակառուցվածքների գործարկումից հետո Իրան-Հայաստան-Վրաստան-Ռուսաստան տարածաշրջանային համագործակցությանը։

ՀՀ էներգետիկ ենթակառուցվածքների եւ բնական պաշաների նախարարության  պատվիրակությունն այցելել է իրանական «Մափնա» ընկերություն, որը մտադիր է ներդրումներ իրականացնել Հայաստանում՝ հողմային կայանների կառուցման բնագավառում։ Խոսքը առաջին փուլում 50 մեգավատ ընդհանուր հզորությամբ կայանների կառուցման մասին է։

Պատվիրակությունն այցելել է նաեւ Իրան-Հայաստան բարձրավոլտ երրորդ էլեկտրագծի կառուցման գլխավոր կապալառու «Սանիր» ընկերություն։ Քննարկվել են բարձրավոլտ գծի կառուցման հետ կապված հարցեր։

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Իրանը պատրաստվում է Իսֆահանի հայկական եկեղեցին ՅՈՒՆԵՍԿՕ-ի համաշխարհային ժառանգության ցուցակում ընդգրկել
1606 թվականին կառուցված տաճարը գտնվում է Իսֆահանում՝ Ջուղայի շրջանում...
Հայաստանի եւ Իրանի միջեւ ապրանքաշրջանառությունը գտնվում է ոչ բավարար մակարդակի վրա
Իրան-Հայաստան երկաթուղին չպետք է ինքնանպատակ լինի․․․
Նախագահը ցավակցական հեռագիր է հղել Իրանի նախագահին
Հանրապետության Նախագահը խորին ցավակցություն եւ զորակցություն է հայտնել նախագահ Ռոհանիին...
Հայաստանի դեսպանն Իրանում քննարկել է էներգետիկ խոշոր ծրագրերը (ֆոտո)
Դեսպան Թումանյանի հանդիպումն Իրանի էներգետիկայի նախարարի հետ...
Իրանի նախագահը հայկական երկու ընտանիքի է այցելել (ֆոտո)
Մեր ժողովուրդը միշտ կողք-կողքի է եղել ու կշարունակի այդպես մնալ...
Երեւանի եւ Թեհրանի միջեւ հարաբերությունները գտնվում են շատ բարձր մակարդակի վրա. Արմեն Աշոտյան
Մենք մոտ հարեւաններ ենք եւ բավական բարեկամական ժողովուրդներ…
Ամենաշատ
Ֆոտոռեպորտաժներ
Partner news