Վերջին 10 տարում ավելի քան 800 լրագրող է սպանվել մասնագիտական գործունեության համար ու լրագրողներին սպանած հանցագործների ընդամենը 10 տոկոսն է պատժվել, հայտնում է ՄԱԿ-ի կայքը։
2013-ին ՄԱԿ ԳՎ 68-րդ նստաշրջանում ընդունվել էր 68/163 բանաձեւը, որում նոյեմբերի 2-ը հռչակվել է Լրագրողների դեմ հանցագործությունների համար անպատժելիությունը դադարեցնելու միջազգային օր։ Բանաձեւը բոլոր անդամ պետություններին կոչ է անում որոշակի քայլեր ձեռնարկել անպատժելիության դեմ պայքարում։ Նոյեմբերի 2-ը ընտրվել է 2013-ին այդ օրը Մալիում սպանված երկու ֆրանսիացի լրագրողների հիշատակին։