«Նաիրիտ» գործարանի նախկին աշխատակիցները ի նշան բողոքի այսօր՝ նոյեմբերի 3-ին, փակել էին գործարան տանող Բագրատունյաց փողոցը։ Նրանք պահանջում են վերագործարկել գործարանը եւ վճարել պարտքերը։

Նաիրիտցիները նշում էին, որ փակելու են ճանապարհը, եթե իրենց հարցերին չպատասխանեն։ Տարածք նաեւ ոստիկանական ուժեր էին բերվել։

Ինչպես տեղից հայտնում է NEWS.am-ի թղթակիցը՝ «Նաիրիտի» աշխատակիցները որոշ ժամանակ անց ճանապարհը բացել են պայմանով, որ նշված վայր գա Տնտեսական զարգացման և ներդրումների նախարարության պաշտոնյաներից մեկը եւ լսի իրենց պահանջը։