Անապահով ընտանիքներն էժան գազ կստանան, բայց նրանց ցուցակը չպետք է ուռճացնել: Այս մասին նոյեմբերի 3-ին Հայաստանի կառավարության հերթական նիստին հայտարարել է վարչապետ Կարեն Կարապետյանը:
Նրա խոսքով՝ այդ ընտանիքների համար մեկ խորանարդ մետր գազի գինը 100 դրամ կլինի՝ գործող 146.7 դրամի եւ մյուս տնային տնտեսությունների համար առաջարկվող 139 դրամի փոխարեն: Սակայն մինչեւ հունվարի 1-ն Աշխատանքի եւ սոցիալական հարցերի նախարարությունը պետք է անապահով ընտանիքների հստակ ցուցակ ներկայացնի, որպեսզի այն անհիմն կերպով չուռճացվի: «Քանի որ հասկանալի է, որ այդ ցուցակում հայտնվելու շարժառիթ կլինի»,- հավելել է Կարապետյանը:
Հիշեցնենք, որ արտոնյալ սակագին է առաջարկվում 20 միավորից ավելի անապահովության միավոր ունեցող ընտանիքներին:
