Մասնավոր կայանատեղիների եւ մայրուղիների արագաչափերի կառավարումը պետք է անցնի պետությանը: Այս մասին Հայաստանի կառավարության նոյեմբերի 3-ի նիստում հայտարարել է վարչապետ Կարեն Կարապետյանը:
Նա ոստիկանապետին, ինչպես նաեւ ֆինանսների եւ արդարադատության նախարարներին հանձնարարել է բանակցություններ վարել Ճանապարհային ոստիկանության տեսահսկման օպերատոր ընկերության՝ «Սեքյուրիթի դրիմ»-ի հետ: Մեկշաբաթյա ժամկետում նրանք պետք է պետության սեփականությանը կայանատեղիների եւ դրանց ֆինանսական հոսքերի անցումն ապահովելու իրավական հիմնավորում կազմեն:
Այս երկու նախարարները պետք է Երեւանի քաղաքապետին օգնեն նման հիմնավորում կազմել՝ մայրաքաղաքում կայանատեղիների կազմակերպիչ «Փարքինգ սիթի սերվիս» եւ «Լոկատոր» ընկերությունների կոնսորցիումի հետ բանակցությունների համար: Դրանց գործառույթները պետք է Երեւանի քաղաքապետարանին փոխանցվեն: