Վրաստանի մայրաքաղաք Թբիլիսիում փլուզվել է կույրերի համար նախատեսված շենքը։ Արդյունքում մահացել է մեկ մարդ, եւս մեկը տեղափոխվել է հիվանդանոց, 11 ընտանիք մնացել է առանց կացարանի։
Թբիլիսիի քաղաքապետ Գիգի Ուգուլավան լրագրողներին տեղեկացրել է, որ փլուզվել է շենքի այն մասը, որտեղ տեղակայված էին բնակարանները։ Նա խոսք է տվել, որ տուժածներին շուտով բնակության այլ վայր կտրամադրի։
Ներկայումս պարզվում են կառույցի փլուզման պատճառները։ Նախնական տվյալներով, պատահարի պատճառը կարող է շենքի ծանրությունը պահող հիմնական պատի վնասվածքը լինել, ինչն առաջացել է վերջերս սկսված շենքի նորոգման աշխատանքի արդյունքում։