Գյուղատնտեսության նախարար Իգնատի Առաքելյանը դեռ չի կողմնորոշվել ՀՀԿ-ին անդամակցելու հարցում։ «Ես չեմ կարողանում այդ հարցին պատասխանել․․․․ Ես ինչ կողմնորոշվելու բան ունեմ․․․ չկա մեկնաբանություն, չկա»,-NEWS.am-ի թղթակցի հետ զրույցում ասաց նա:
Հարցին, եթե իրեն ՀՀԿ վերնախավից ասեն՝ պետք է անդամագրվի, կհրաժարվի՞, գյուղատնտեսության նախարարը պատասխանեց․ «Ես ոչ մի բան չեմ կարող ասել այս պահին»։
Նշենք, որ Կապի հաղորդակցության եւ տեղեկատվական տեխնոլոգիաների նախարար Վահան Մարտիրոսյանը եւս ՀՀԿ-ին անդամակցելու վերաբերյալ դեռ որոշում չունի։
Հիշեցնենք, որ տեւական ժամանակ է լուրեր են շրջանառվում, որ Հանրապետական կուսակցության առաջիկա համագումարից առաջ կուսակցությանը կանդամագրվեն կառավարության նոր անդամները վարչապետի գլխավորությամբ։ ՀՀԿ-ին անդամակցելու մտադրության մասին է հայտնել նաեւ պաշտպանության նախարար Վիգեն Սարգսյանը։
