«Գազպրոմ Արմենիայի» պարտքը եթե անգամ առաջանա էլ, Կառավարության պարտքը չի լինելու։ Այս մասին նոյեմբերի 16-ին ԱԺ–ում ասել է էներգետիկ ենթակառուցվածքների եւ բնական ռեսուրսների նախարար Աշոտ Մանուկյանը՝ պատասխանելով ՀԱԿ խմբակցության քարտուղար Արամ Մանուկայի հարցին։
Պատգամավորը հետաքրքրվել էր, թե ով է փոխհատուցում գազի գնի իջեցման հնարավոր ռիսկերը եւ հետո ստիպված չենք լինելու արդյոք հիշել այս թվացյալ էժանությունը։ «Այդուհանդերձ ռուսական «Գազպրոմը» կօգնի իր դուստր ձեռնարկությանը՝ «Գազպրոմ Արմենիային» եւ հավելյալ միջոցներ կներդնի նրա կանոնադրական կապիտալում»,– ասել է նախարարը։
