ԵԽԽՎ գլխավոր քարտուղար Թյորբորն Յագլանդը հայտարարություն է տարածել Իլքար Մամեդովի գործով Ադերբեջանի Գերագույն դատարանի որոշման կապակցությամբ, հայտնում է contact.az–ը։
«Ադրբեջանի գերագույն դատարանը չի պաշտպանել ՄԻԵԴ–ի առաջ երկրի ստանձնած իրավաբանական պարտավորությունները։ Ադրբեջանի համար՝ որպես Եվրոպայի խորհրդի անդամի, դրա լրջությունը չի կարելի թերագնահատել։
Կատարվածը Ադրբեջանի կողմից Մարդու իրավունքների եվրոպական կոնվենցիայի նկատմամբ անհարգալից վերաբերմունք է եւ սասանում է մեր համագործակցության այդ ոլորտը։
Այս գործը անդրադառնում է Եվրոպայի խորհրդի բոլոր 47 անդամ պետությունների վրա, որոնք հավաքական պատասխանատվություն են կրում Կոնվենցիայի պահպանման համար։ Այդ պատճառով հարցը հրատապ կարգով կներառվի Եվրոպայի խորհրդի նախարարների հանձնաժողովի նիստի օրակարգում»,– ասված է հայտարարության մեջ։