Այսօր՝ նոյեմբերի 21-ին, խոշոր ավտովթար է տեղի ունեցել Վանաձորում: NEWS.am-ի թղթակիցը հաղորդում է, որ ժամը 15-ի սահմաններում Գյումրի քաղաքի բնակիչ, Արմեն Բադեյանը Volkswagen Bora մակնիշի 34 ՕZ 306 համարանիշի ավտոմեքենայով Վանաձորի սկզբնամասում դուրս է եկել հանդիպակաց երթեւեկելի գոտի ու մխրճվել գազալցակայանի սրճարան-սպասասրահի մեջ։

Վթարի հետեւանքով վարորդը եւ սպասասրահում գտնվող մեկ քաղաքացի տեղափոխվել են Վանաձորի բժշկական կենտրոն, որտեղից ֆոտոլրագրողին հայտնել են, որ վարորդին տեղափոխվել են Վանաձորի զինվորական հոսպիտալ։ Դեպքի վայրում աշխատում են Լոռու ճանապարհային ոստիկաններն ու ռազմական ոստիկանության աշխատակիցները: Տուժածներից մեքենայի վարորդը այժմ զինվորական հոսպխիտալում է, իսկ մյուս տուժածը գտնվում է Վանաձորի բժշկական կենտրոնում:

Նշենք, որ մեքենայի վարորդը ՀՀ ՊՆ N զորամասի զինծառայող է։ 

Լուսանկարներն ու տեսանյութը՝ Էդվարդ Արզումանյանի