Հարավային Կորեայի դատախազությունը հարցաքննել է նախագահ Փակ Կըն Հյեի մտերիմ ընկերուհու՝ Ցոյ Սուն Սիլի քրոջը, որը երկրում ծավալված քաղաքական եւ կոռուպցիոն սկանդալի գլխավոր ֆիգուրանտն է:
Ցոյ Սուն Դըքի հետ քննիչների զրույցի մանրամասները չեն հաղորդվում: Միայն հայտնի է, որ նա եւ նախագահ Փակ Կըն Հյեն հաճախել են միեւնույն ավագ դպրոցը: Դրանից զատ, Ցոյ Սուն Դըքը Ցոյ Սուն Սիլի հարազատ քույրն է եւ Չան Սի Հոյի մայրը, որը կալանավորվել է նոյեմբերին՝ 2018 թվականի Օլիմպիական խաղերին Հարավային Կորեայի նախապատրաստությանն ուղղված գործարքներով դրամական միջոցների մի մասը յուրացնելու կասկածանքով:
Ցոյ Սուն Սիլը Հարավային Կորեայի կառավարությունում պաշտոնապես ոչ մի պաշտոն չի զբաղեցնում: Նա Ցոյ Տըհե Մինի դուստրն է, որը Փակ Կըն Հյեի համախոհն է եւ նախագահ Սոն Յոյե Հյեի նախկին քարտուղարի կինը: Հարավային Կորեա վերադառնալուց հետո Ցոյ Սուն Սիլը կալանավորվել է: Նրան եւ նախագահի աշխատակազմի երկու նախկին բարձրաստիճան աշխատակիցների ծառայողական իրավասությունների չարաշահման եւ կոռուպցիայի մեղադրանք է առաջադրվել:
Ավելի վաղ Հարավային Կորեայի դատախազությունը խուզարկություն են կատարել նախագահական նստավայրում: Դրանից զատ, քննության ներկայացուցիչները Փակ Կըն Հյեի փաստաբանին ծանուցում են ուղարկել սկանդալի հետ կապված նախագահի զրույցի ներկայանալու պահանջով:
