Մինչեւ նոյեմբերի 30-ը հանրապետության տարածքում ջերմային օդի փոփոխություն չի սպասվում, բացառությամբ Լոռիի, Տավուշի, Սյունիքի եւ Արցախի, որտեղ ջերմաստիճանը պայմանավորված Իրանի տարածքից ներթափանցող համեմատաբար տաք օդային հոսանքների՝ կբարձրանա  8-10 աստիճանով: Այս մասին, այսօր՝ նոյեմբերի 26-ին, լրագրողների հետ հանդիպման ժամանակ նշել է ՀՀ ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը:

Նրա խոսքով, Արարատյան դաշտում կլինի ցուրտ օդի լճացում, ցերեկային ժամերին Արարատյան դաշտում ջերմաստիճանը կհավասարվի լեռնային շրջանների ջերմաստիճանին, սակայն արդեն նոյեմբերի 30-ին կնկատվի  ամպամածություն եւ բավականին ինտենսիվ տաք օդի ներհոսք: «Նոյեմբերի 30-ից 1-ը ընկած ժամանակաշրջանում օդի ջերմաստճանը հանրապետության ամբողջ տարածքում  8-10 աստիճանով կբարձրանա: Այսինքն, եթե հիմա Երեւանում -8,-10 աստիճան է, արդեն  դեկտեմբերի 1-ին մենք կարող ենք մայրաքաղաքում եւ Արարատյան դաշտում գիշերային ժամերին  ակնկալել  0-ից +2 աստիճան: Ցերեկային ժամերին առանձնապես ջերմաստիճանի փոփոխություն չի լինի, որովհետեւ դեկտեմբերի 1-ից տեղումներ են սկսվելու»,-ասաց նա:

Գագիկ Սուրենյանը նշեց, որ դեկտեմբերի 1-ից հանրապետությունում սպասվում են տեղումներ: