Եվրախորհրդարանի նոր ղեկավարի ընտրությունը նախանշված է 2017 թվականի հունվարի 17-ին: Այս մասին գրում է ՌԻԱ Նովոստին:
ԵԽ գործող նախագահ Մարտին Շուլցը նոյեմբերի 24-ին հայտարարել էր, որ հեռանում է պաշտոնի եւ 2017 թվականի Գերմանիայի ընտրություններում գլխավորելու է ԳՍԴԿ-ի ընտրացուցակը:
Գործակալության աղբյուրի փոխանցմամբ՝ ԵԽ-ի քաղաքական խմբակցություններն իրենց թեկնածուների հարցում որոշում կկայացնեն դեկտեմբերին: Ներկայում մինչեւ 10 հավանական թեկնածուի անուն է նշվում, այդ թվում՝ Եվրոպական ժողովրդական կուսակցության, սոցիալիստների եւ լիբերալ-դեմոկրատների խորհրդարանական խմբակցությունների առաջնորդներ Մանֆրեդ Վեբերի, Ջաննի Պիտելլայի եւ Գի Վերհոֆստադտի անունները:
