Կուսակցություններին աջակցելու համար պետք է քաղաքական ֆոնդեր ստեղծվեն։ Այս մասին նոյեմբերի 28-ին ԱԺ–ում ասել է ՀՅԴ խմբակցության քարտուղար Աղվան Վարդանյանը՝ ելույթ ունենալով «Քաղաքական կուսակցությունների մասին» օրենքի նախագծի քննարկմանը։
Նրա խոսքով՝ այդ ֆոնդերը չպետք է կուսակցությունների ճնշման տակ լինեն՝ միաժամանակ օգնելով այս կամ այն քաղաքական հայացքների տարածմանը՝ ձախերի, աջերի կամ ցենտրիստականների։
Դրան ի պատասխան՝ արդարադատության նախարար Արփինե Հովհաննիսյանը նշեց, որ արտասահմանում նման ֆոնդեր իրոք կան, սակայն դրանց ստեղծումը հղի է որոշակի ռիսկերով՝ սակայն չկոնկրետացրեց թե ինչպիսի։ «Այդ պատճառով պետք է նվազագույնի հասցնել այդ ռիսկերը»,– ասել է նա։