Կանադան ընդլայնել է հակառուսական անհատական պատժամիջոցների ցուցակը։ Դրանում ներառվել է եւս 158 մարդ, այդ թվում՝ Պետդումայի 6 պատգամավոր Ղրիմից, հայտնում է BBC–ն։
«Ցուցակի ընդլայնումը պետք է Ռուսաստանի վրա ճնշումը պահելու համար, մինչեւ նա ամբողջովին չկատարի Ուկրաինայի նկատմամբ ստանձնած միջազգային պարտավորությունները։
Այդ պատժամիջոցները պատասխան են սեպտեմբերի 18-ին Պետդումայում Ղրիմից պատգամավորներ ընտրվելուն։ Կանադան չի ընդունում այդ ընտրությունների օրինականությունն ու արդյունքները, որոնք ընթացել են Ղրիմի օկուպացված թերակղզում, ինչպես երբեք չի ճանաչել Ռուսաստանի կողմից Ղրիմի եւ Սեւաստոպոլի անեքսիան»,– ասված է հայտարարության մեջ։
