Գերմանական Daimler ավտոկոնցեռնը հայտարարել է Եվրոպայում էլեկտրամեքենաների լիցքավորման կայանների միասնական ցանցի ստեղծման եւ ներդրման համատեղ նախագծի մեկնարկի մասին: Ընկերության մամուլի հաղորդագրության մեջ նշված

Է, որ համապատասխան «փոխըմբռնման հուշագիրը» ստորագրել են BMW Group-ի, Daimler AG-ի, Ford Motor Company-ի եւ Volkswagen Group-ի ներկայացուցիչները՝ ի դեմս Audi-ի եւ Porsche-ի թոփ մենեջերների, փոխանցում է ՏԱՍՍ-ը:

Ավտոկոնցեռնի հայտարարության համաձայն՝ նախնական պլանով նախատեսվում է 400 կայանի ստեղծում, որոնց կառուցումը պետք է սկսվի արդեն 2017 թվականին: 2020 թվականին նախագծի հեղինակները հույս ունեն շահագործման հանձնել «մեծ հզորության հազար լիցքավորման կետեր», որոնք առավելապես կտեղակայվեն հիմնական ավտոմայրուղիներում եւ խճուղիներում: