Հայաստանի նոր խորհրդարանում ընդդիմությունը կարող է քննարկման համար արտահերթ հարցեր բարձրացնել: Այս մասին նոյեմբերի 29-ին՝ ԱԺ կանոնակարգի նոր խմբագրմամբ օրինագծի քննարկման ժամանակ խորհրդարանում հայտարարեց Իրավական հանձնաժողովի հանրապետական անդամ Վահրամ Մկրտչյանը: Օրինագիծը կազմել են իշխանական պատգամավորները (ՀՀԿ-ի եւ ՀՀԴ-ի), որպեսզի արտացոլեն սահմանադրական բարեփոխումների համաձայն ապագա գումարման խորհրդարանի աճող դերը:
Խորհրդարանի լիագումար նիստերը կանցկացվեն 2 շաբաթը մեկ՝ երրորդ շաբաթում, երեքշաբթիից մինչեւ ուրբաթ (այժմ՝ երկուշաբթիից մինչեւ հինգշաբթի): Երեքշաբթիի նիստերին օրվա երկրորդ կեսին ընդդիմությունը կարող է իր հայեցողությամբ քննարկման ներկայացնել ցանկացած հարց: Օրվա երրորդ կեսին կքննարկվեն հանրության համար հրատապ հարցերը: Այդ հարցերը կարող են բարձրացնել պատգամավորների ընդհանուր թվի քառորդ մասը:
Երեքշաբթիները, ինչպես հիմա, կավարտվեն պատգամավորների ելույթներով: Ընդդիմադիր խմբակցությունների համար առաջին երեք ելույթների արտոնությունը կչեղարկվի, սակայն բոլորը կհասցնեն ելույթ ունենալ, քանի որ նիստը չի սահմանափակվի 18.30-ով եւ կընթանա մինչեւ վերջին ելույթը:
Չորեքշաբթի նիստի երրորդ մասում նախատեսված է նոր բլոկ՝ խմբակցությունների ելույթներ: Իսկ օրվա վերջին, ինչպես հիմա, խորհրդարանում կանցկացվի կառավարական ժամ՝ նախարարներին ուղղված հարցերով: