Առողջապահության ոլորտում իրականացվող օպտիմալացման արդյունքում կտնտեսվի 1,8 մլրդ դրամ: Այս մասին, այսօր՝ վարչապետի մոտ կայացած խորհրդակցության ժամանակ նշել է ՀՀ Առողջապահության նախարար Լեւոն Ալթունյանը:
Կառավարությունից NEWS.am-ին հայտնում են, որ նախարարի խոսքով՝ վերանայվել են դժվարամատչելի ծառայությունների, սոցփաթեթով տրամադրվող ծառայությունների գները՝ դրանք նվազեցնելու նպատակով: Մասնավորապես՝ բուժհաստատություններին կառաջարկվեն խելամիտ շուկայական գներ:
Վարչապետ Կարապետյանը կարեւորել է Հայաստան առողջապահական բրենդային ընկերություններ ներգրավելու քայլերը եւ աշխատանքներ տանել մարզերի բուժհաստատությունների կառավարումը Երեւանի բուժհիմնարկները կառավարող մասնավոր հատվածի ներկայացուցիչներին առաջարկելու ուղղությամբ:
«Մեզ պետք է առողջապահության ոլորտում բարձրացնել մրցակցային դաշտը, թափանցիկությունը, վերահսկել դեղորայքի դաշտը»,- ասել է Կարեն Կարապետյանը: