Ադրբեջանում արդեն երկրորդ օրն է արգելափակված են «Ամերիկայի ձայն» ու «Ազատություն» ռադիոկայանների կայքերը, հայտնում է contact.az–ը։
Կապի նախարարությունը, Էլեկտրոնային անվտանգության կենտրոնն ու երկրում ինտերնետային կապի գլխավոր մատակարար «Դելտատելեքոմ» ֆիրման ոչ մի մեկնաբանություն ու բացատրություն չեն տալիս այս կապակցությամբ։ Երկրի սահմաններից դուրս կայքերը առաջվա պես հասանելի են։ Էլեկտրոնային անվտանգության կենտրոնը տեխնիկական հնարավորություններ ունի արգելափակման պատճառները անմիջապես պարզելու համար, եթե դա ինչ-որ մեկը միտումնավոր է արել։ Այն փաստը, որ պաշտոնական մարմինները հրաժարվում են բացատրել, թե ինչ է կատարվում, վկայում է այն մասին, որ արգելափակումը իշխանությունների հսկողության տակ է տեղի ունեցել, նշում են հոդվածագրերը։
Թե ինչ նպատակով է դա արվում, բարդ է ասել, բայց բացառված չէ, որ իշխանութունները ձգտում են կրճատել այն հարթակները, որտեղ ակտիվ քննադատում են իշխանություններին գազի ու լույսի սակագները բարձրացնելու համար։ Այդուհանդերձ, Facebook-ի տարածքում նման քննադատությունները հաջողությամբ շարունակվում են։
Ի դեպ, «Ազադլիգ» միակ ընդդիմադիր թերթի կայքի աշխատանքում էլ վերջին օրերին մշտապես խափանումներ կան։