2017-ի տարեվերջին Հայաստանի պետական պարտքն ակնկալվում է 6 մլրդ 245 մլն դոլարի չափով: Այս մասին նոյեմբերի 30-ին՝ ԱԺ-ում լրագրողներին ասաց ֆինանսների նախարար Վարդան Արամյանը:
2016-ի տվյալներով՝ պետական պարտքն ակնկալվում է 5 մլրդ 849 մլն դոլար: Խոսքը կառավարության եւ Կենտրոնական բանկի ընդհանուր արտաքին եւ ներքին պարտքի մասին է: Նախարարի խոսքով՝ այս ցուցանիշը կանխատեսվող է եւ կարող է փոփոխվել արժույթի փոխարժեքի տատանումներից կախված:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Նախկինում Արամյանը նշել է, որ տնտեսական բարենպաստ կոնյունկտուրայի դեպքում բացառված չէ, որ միջոցների մի ինչ-որ մասը կհաջողվի վերաուղղել կապիտալ ծախսերին՝ չմեծացնելով ՀՆԱ նկատմամբ բյուջեի պակասուրդը: 2016-ին ՀՆԱ-ի նկատմամբ պետական պարտքի հարաբերակցությունը ակնկալվում է 54,5 տոկոս, իսկ 2017-ին՝ 56,2 տոկոսից ոչ ավել: «Ես արդեն հրապարակեցի եւ՛ պետական պարտքի վիճակագրությունը, եւ՛ մեր կանխատեսումները: Կարող եմ միայն դրանք կրկնել»,- ասաց ֆինանսների նախարարը: