«Նաիրիտ» քիմիական գործարանը կարող է վերագործարկվել՝ գործելով իրանական գազի հումքի վրա։ Այս մասին նոյեմբերի 30-ին՝ մամուլի ասուլիսի ժամանակ, ասել է Հայրենական արտադրողների միության նախագահ Վազգեն Սաֆարյանը։
Նա հիշեցրել է, որ «Նաիրիտի» մասով Կառավարությունը մրցույթ է հայտարարել, որի նպատակն է վերագործարկել գործարանը։ «Ես կարծում եմ, որ այդ քայլը պետք է արժանանա դրական գնահատականի»,– ասել է Սաֆարյանը եւ նշել, որ գործարանի վերագործարկումը կարող է 15-17 մլն դոլար եկամուտ ապահովել։
