Avianca ավիաընկերության օդաչուներից մեկը, որի օդանավը վայրէջքի թույլատվություն էր սպասում, որն առաջնահերթության կարգով տրամադրվել էր Կոլումբիայում ջախջախված օդանավին, պատմել է դիսպետչերների հետ իր անձնակազմի վերջին բանակցությունների մասին, փոխանցում է «ՌԻԱ Նովոստին»։
Երկրորդ օդաչու Խուան Սեբաստիան Ուպեգուիի աուդիոձայնագրությունը տարածվել է սոցցանցերում, չնայած ավիաընկերությունը չի հաստատում դրա իսկությունը։
Օդաչուն, որին մեջբերում է Colombiano թերթը, պատմել է, որ բրազիլական օդանավը պատրաստվում էր առաջնահերթության կարգով վայրէջքի, քանի որ անձնակազմը դիսպետչերին հայտնել էր, որ վառելիքի խնդիրներ ունի։
«Իսկ հիմա ամբողջովին կորել է էլեկտրականությունը, տվեք վեկտոր վայրէջքի համար, Օգնությո՛ւն»,- մեջբերում է օդաչուն իր գործընկերոջ հարցումը։ Նա հավելել է, որ դրանից հետո դիսպետչերների հետ վթարային օդանավի կապը կորել է։
Օդանավը, որում բրազիլական «Շապեկոենսե» ակումբի ֆուտբոլիստներն էին, վթարի էր ենթարկվել Կոլումբիայի Մեդելյին քաղաքից ոչ հեռու։ Օդանավում 77 մարդ կար, որոնցից վեցը ողջ է մնացել։
