Իրենց 5 ամսվա աշխատավարձը չստացած Բյուրեղավանի Glass World Company շշերի գործարանի աշխատակիցներն այսօր՝ դեկտեմբերի 1-ին, կրկին եկել էին կառավարության դիմաց եւ իրենց աշխատավարձն էին պահանջում: NEWS.am-ի հետ զրույցում Հայկազ Գեւորգյանը նշեց, որ գործարանն իրեն պարտ է 340 հազար դրամ:
«Գործարանը չի աշխատում, էլ չի էլ աշխատելու: Օգոստոսից գործարանը փակվել ա եւ մինչեւ այսօր չի աշխատում, մեր գումարը չեն էլ տալու: Անձամբ ինձ 340 հազար դրամ պարտք են, մարդ էլ կա, որ 2 միլիոն են պարտք: Գործարանի կառավարչի մոտ ենք եղել մի քանի անգամ, ասում է՝ փող լինի կտամ, չկա որտեղից տամ: Գործարանը մի քանի հոգու ձեռքն են տվել՝ ինչ ուզում անում են»,-ասաց նա:
 |
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Նշենք, որ Glass World Company-ի աշխատակիցներին կառավարությունից պատասխանել էին, որ չեն կարող օգնել:
Ավելի վաղ NEWS.am-ը տեղեկացրել էր, որ Glass World Company ընկերության շուրջ 150 աշխատակցի 5 ամսվա աշխատավարձ չի վճարվել: Նրանք գործարանի դիմաց պարբերաբար բողոքի ակցիաներ էին անցկացնում՝ իրենց աշխատավարձերի վճարման պահանջով:
