«Նաիրիտ» գործարանի նախկին եւ ներկա աշխատակիցներին բարկացրել է այն, որ գործարանը սնանկ է ճանաչվել: NEWS.am-ի հետ զրույցում «Նաիրիտ» գործարանի համակարգող խմբի անդամ Կարինե Շահվերդյանը նշեց, որ իրենք տեղյակ չեն եղել դատական նիստի օրվա մասին եւ իրենց համար զարմանալի է, որ նիստը կայացել է առանց իրենց իմացության:
«Տեղյակ չենք եղել, զարմացնում է այն, թե ինչու այդ ամենն արվեց նաիրիտցիներից գաղտնի: մենք անընդհատ պայքարել ենք «Նաիրիտի» համար, բայց իրենք թաքուն, արագացված դատական նիստով սնանկ ճանաչեցին գործարանը: Նիստի օրը հոկտեմբերի 17-ին էր նշանակված, բայց վերափոխել են օրը եւ 1 օրվա ընթացքում հապճեպ դատն եղավ: Փորձը ցույց է տվել, որ գաղտնիության հիմքում վատ բան է ընկած»,-ասաց նա:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Ավելի վաղ տեղեկացրել էինք, որ «Նաիրիտ» գործարանը սնանկ է ճանաչվել: Նոյեմբերի 28-ի երեկոյան Երեւանի Շենգավիթ վարչական շրջանի ընդհանուր իրավասության դատարանը՝ նախագահությամբ դատավոր Արմեն Չիչոյանի, շտապել է հրապարակել սնանկացման վճիռը։ Ըստ այդմ՝ դատարանը բավարարել է «Հայաստանի էլեկտրական ցանցեր» ՓԲԸ-ի հայցը եւ վճռել՝ «Նաիրիտ գործարան» ՓԲԸ-ից հօգուտ ՀԷՑ-ի բռնագանձել 500 հազար ՀՀ դրամ` որպես դիմողի կողմից նախապես վճարված պետական տուրքի գումար։