Բյուրեղավանի Glass World Company շշերի գործարանի տնօրեն Արմեն Թորոսյանը պաշտոնապես հայտարարում է՝ գործարանը նախկին աշխատակիցներին աշխատավարձի պարտավորվածություն չունի: Այս մասին այսօր՝ դեկտեմբերի 1-ին, NEWS.am-ի հետ զրույցում ասաց նա՝ նշելով, որ ընկերությունն ամբողջությամբ վճարել է սնանկ ճանաչված գործարանի բոլոր աշխատակիցների աշխատավարձերը:
«Պաշտոնապես հայտարարում եմ՝ չվճարված աշխատավարձի պարտավորվածություն ընկերությունը չունի, ունի չվճարված վերջնահաշվարկի պարտավորություն: Դա էլ սնանկ ընկերությունն արդեն իրավասու չէ վճարելու, իրավական գործընթաց կա, պահանջատեր են իրենք: Պահանջը տարել գրանցել են դատարանում, հլը մի հատ էլ կառավարության դիմաց են բողոքում: 30 միլիոն դրամ աշխատավարձ ենք բաժանել վերջին անգամ, իսկ վերջնահաշվարկը շատ քիչ գումար է կազմում»,-ասաց նա:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Արմեն Թորոսյանը նշեց, որ Glass World Company շշերի գործարանը սնանկ է ճանաչվել եւ օգոստոսից չի գործում, ինքը գործարանի տնօրեն է նշանակվել սեպտեմբերից: Նրա խոսքով՝ այս պահին գործարանի վերագործարկման համար առողջացման ծրագիր է իրականացվում եւ հնարավոր է՝ ընկերությունը կրկին աշխատի. «Բարերարներ ենք գտել, լուրջ կազմակերպություն ենք, մեր անվան հետ են խաղում այդպիսի հայտարարություններ անելով: Ասում են՝ գործարանը թալանում են: Եկեք տեսեք՝ ի՞նչ թալանելու մասին է խոսքը՝ լույսի, ջրի պարտք սնանկ գործարանի մեջ չունենք, երկու կառույց կա անվտանգությունը ապահովող, բացի այդ, տեսախցիկներ կան, որոնցով հսկվում է ամբողջ տարածքը: Եթե հանկարծ թալանել էլ ուզենանք՝ տեխնիկապես չենք կարողանա»:
Նշենք, որ Glass World Company շշերի գործարանի նախկին աշխատակիցները պնդում են, որ գործարանն իրենց պարտք է 5 ամսվա աշխատավարձ: Այսօր նրանք իրենց աշխատավարձերը տալու պահանջով կրկին հավաքվել էին կառավարության դիմաց: