Նոր օրինագծերի փաթեթը հիփոթեքային վարկերը կպարզեցնի սպառողի համար։ Այս մասին դեկտեմբերի 1-ին Կառավարության նիստում ասել է ԿԲ նախագահ Արթուր Ջավադյանը՝ ներկայացնելովց «Բնակարանային հիփոթեքային վարկավորման մասին» օրինագիծը։
Վարկավորողն առաջարկվող ծառայությունների վերաբերյալ պետք է սպառողին առավելագույն տեղեկատվություն տրամադրի՝ հնարավորություն տալով կայացնել տեղեկացված որոշում: Այդ տեղեկատվությունը ներառում է ինչպես հիփոթեքային վարկի ընդհանուր նկարագրությունը (վարկի գումարի նվազագույն կամ առավելագույն չափ, մարման ժամկետ, կարգ), այնպես էլ վարկի հետ կապված վարկառուի բոլոր ծախսերը, ներառյալ՝ վարկի տարեկան փաստացի տոկոսադրույքը (APR), օժանդակ ծառայությունների հետ կապված վճարները և այլն:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Ավելին, թափանցիկության սկզբունքը և սպառողի հետ հաղորդակցումը պետք է պահպանվի ոչ միայն պրոդուկտն առաջարկելիս, այլև դրա սպասարկման ողջ ժամանակահատվածում: