Հայաստանի քաղաքացիները պետք է հնարավորություն ունենան էլեկտրոնային փոստով հետեւելու կուտակային կենսաթոշակային հաշվին: «Կուտակային կենսաթոշակների մասին» օրենքում համապատասխան լրացումների օրինագիծը՝ կից օրինագծերով, հավանության է արժանացել կառավարության դեկտեմբերի 1-ի նիստում:
Նիստի ժամանակ Կենտրոնական բանկի նախագահ Արթուր Ջավադյանը հայտարարել է, որ օրինագծերի փաթեթի նպատակը կառավարման արդյունավետության բարձրացումն է եւ կենսաթոշակային միջոցները կառավարող ներդրումային հիմնադրամների պարտականությունների շրջանակների հստակեցումը:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Առաջարկվում է Հայաստանի քաղաքացիներին հնարավորություն տալ իրենց կուտակային հաշիվների վիճակին հետեւել էլեկտրոնային փոստով: Դրա համար անհրաժեշտ է միայն մեկ անգամ իր կառավարող հիմնադրամին ներկայացնել էլեկտրոնային փոստի հասցեն:
Առաջարկվում է հանել կենսաթոշակային կուտակումների մի շարք ներդրումների սահմանափակումները: Այժմ այդպիսիք գործում են արդեն թողարկված, բայց բորսայում ցուցակում չանցած արժեթղթերի վրա: Նախատեսվում է այս սահմանափակումը վերացնել: Դրանից զատ, մասնավոր փայաբաժնով ներդրումային կամ վենչուրային հիմնադրամներում ներդրումները սահմանափակված են միջոցների 2 տոկոսի չափով: Առաջարկվում է այս շեմը բարձրացնել մինչեւ 10 տոկոս: Հաշվի առնելով հայկական ֆոնդային շուկայի ներկայիս ծավալները՝ դժվար է կատարել նաեւ փոխակապակցված անձանց ներդրումների լիակատար բացառման պահանջը: Հետեւաբար՝ այդպիսի գործարքները կթույլատրվեն, սակայն սահմանափակ եւ միայն Կենտրոնական բանկի համաձայնությամբ: