Ռուսաստանի ԱԳ նախարարության պաշտոնական ներկայացուցիչ Մարիա Զախարովան հայտարարել է, որ Թուրքիայի լրատվամիջոցները սխալ են թույլ տվել Ռուսաստանի ԱԳ նախարար Սերգեյ Լավրովի խոսքը թարգմանելիս, որը վերաբերել է Սիրիայում թուրք զինվորականների միջադեպին: Այս մասին նա գրել է Facebook-ի իր էջում:
«Թուրքական մամուլը գրում է, որ Ս. Լավրովը մամուլի ասուլիսում հայտարարել է, որ «թուրքական դիրքերի վրա հարվածը հասցվել է Սիրիայի բանակի կողմից»: Նախարարը ուղիղ հակառակն է ասել՝ ո՛չ Ռուսաստանը, ո՛չ Սիրիան թուրքական դիրքերին չեն հարվածել»,- գրել է Զախարովան:
Նրա խոսքով՝ Թուրքիայի ԱԳՆ ներկայացուցիչները իրենց լրատվամիջոցների սխալը պատճառաբանել են թուրքերենի յուրահատկություններով եւ թարգմանության դժվարություններով:
