Tor  բրաուզերում, որը թույլ է տալիս միանալ անանուն ցանցի, հայտնաբերվել է զրոյական օրվա խոցելիություն, որն ուղղված է դարքնեթի պոռնոկայքերից մեկի օգտատերերի դեմ, գրում է Motherboard–ը։

Այդ խոցելիությունը ցանցահենները կարող են օգտագործել օգտատերերի անանունությունը կոտրելու համար։ Այդ տեղեկության միջոցով հատուկ ծառայությունները կարող են հետեւել իրավախախտներին, որոնք այցելում են արգելված ռեսուրսներ։ Նման խոցելիություն է սպառնում նաեւ Windows -ի համար օրիգինալ Firefox –ին, եւ Mac OS X ու Linux-ի համար տարբերակներին։

Անանուն աղբյուրը այս խոցելիության հայտնաբերման մասին հայտնել է օրերս, որից հետո Tor Project –ի համահիմնադիր Ռոջեր Դինգլեդինը հաստատել է, որ սերվիսն արդեն աշխատում է այդ խնդիրը վերացնելու ուղղությամբ։ Mozilla -ն նույնպես սկսել է զբաղվել անվտանգության բարձրացումով։