Ոստիկանությունը ձերբակալել է ամերիկյան Թենեսի նահանգում անտառը հրդեհելու մեջ կասկածվողին, որտեղ հրդեհի հետեւանքով 11 մարդ է զոհվել եւ 26 հեկտար անտառային տարածք այրվել: Այս մասին գրում է ՌԻԱ Նովոստին՝ վկայակոչելով ABC News հեռուստաալիքը:
Նահանգի օրենսդրության համաձայն՝ նման հանցանքի մեջ մեղավոր ճանաչվածներին մինչեւ 6 տարի ժամկետով ազատազրկում է սպառնում եւ դրամական տուգանք:
Մի քանի շաբաթ է՝ հրդեհներ են մոլեգնում Թենեսի, Ջորջիա եւ Հյուսիսային Քարոլինա նահանգներում: Կրակի տարածմանը նպաստում է հարավային նահանգներում երաշտը:
Թենեսիի նահանգապետը հայտարարել է, որ այժմյան հրդեհները նահանգի տարածքում ամենալայնածավալն են վերջին 100 տարվա ընթացքում: