Իսրայելի ոստիկանությունը նախօրեին ավելի քան 10 ժամ հարցաքննել է երկրի վարչապետի կնոջը՝ Սառա Նեթանյահուին, որին կասկածում են բյուջետային միջոցներն անձնական նպատակվ օգտագործելու մեջ, գրում է «Հաարեցը»։
Թերթի տեղեկություններով՝ քննությունը ստուգում է Նեթանյահուի առանձնատանը պետական բյուջեից էլեկտրիկի ծառայությունների, Սառայի հոր համար խնամակալի, ուտելիքի պատվերների եւ խոհարարների աշխատանքի դիմաց վճարելու մասին տեղեկությունը։
Նեթանյահու զույգը հերքում է մեղադրանքները։ «Ես կրկնում եմ, որ դրանից ոչինչ դուրս չի գա, քանի որ այստեղ ոչինչ չկա»,– ասել է Սառա Նեթանյահուն։
Թերթի տեղեկություններով՝ կես տարի առաջ ոստիկանությունը խորհուրդ էր տվել նրան մեղադրանք ներկայացնել այդ գործով։ Իրավապահները չեն մեկնաբանում հետաքննության ընթացքը։
