Ապօրինի կերպով ծառայության չներկայանալու մեղադրանքով 2.5 տարվա ազատազրկման դատապարտված «Վարդաշեն» ՔԿՀ-ում գտնվող սպա Ցոլակ Խաչատրյանը դեկտեմբերի 1-ից հացադուլ է հայտարարել: Այս մասին այսօր՝ դեկտեմբերի 2-ին, ասաց NEWS.am-ի խմբագրություն զանգահարած Ցոլակ Խաչատրյանը՝ նշելով, որ հացադուլով հանդիպում է պահանջում ՀՀ Մարդու իրավունքների պաշտպանի եւ ՀՀ գլխավոր դատախազի հետ:
«Ես արդեն երկու տարի նստած եմ, զինվորական եմ եղել: Օրենքի սխալ կիրառելիության հետեւանքով, դատախազի բութ լինելու պատճառով ես այսօր ճաղերի հետեւում եմ հայտնվել: Սպա եմ եղել, գնացել եմ օտպուսկ, ինձ չեն գրանցել արձակուրդի հրամանագրքի մեջ, դարձել է, որ ապօրինի կերպով ծառայության չեմ ներկայացել եւ դատապարտվել եմ: Ինձ այցելած ՄԻՊ աշխատակիցները խիստ կասկածում եմ, որ ճիշտ ձեւով են ներկայացնում իմ իրավիճակը, դրա համար էլ պահանջում եմ օմբուդսմենի եւ դատախազի հետ հանդիպում»,-ասաց նա:
Ցոլակ Խաչատրյանը նշեց, որ իր հացադուլը շարունակելու է այնքան ժամանա, մինչեւ իր պահանջները չկատարվեն:
