Հոկտեմբերին հայրենական արտադրության առաջընթաց զարգացումը մի փոքր դանդաղել է. արտադրանքի ֆիզիկական ծավալի աճի տեմպը նվազել է մինչեւ 3.0 տոկոս: Սակայն ԵՏՄ անդամ այլ երկրներում կատարվողի ֆոնին դա կարելի է ասել փոքր նվաճում չէ: Բայց չնայած հոկտեմբերի համեմատաբար ցածր ցուցանիշին՝ ընդհանուր առմամբ հունվար-հոկտեմբեր ժամանակահատվածում Հայաստանում արդյունաբերական արտադրանքի ֆիզիկական ծավալը մեծացել է տարեկան կտրվածքով 6.5 տոկոսով:

Մետաղի հանքերի արդյունաբերության ոլորտի մասնակցությունը արդյունաբերության ֆիզիկական ծավալի աճում արտահայտվել է մոտ 2 տոկոսով: Ոլորտի տեսակարար կշիռը հայրենական արդյունաբերության արտադրանքի ընդհանուր ծավալում մեկ տարում աճել է 0.5 տոկոսային կետով՝ հասնելով 18.2 տոկոսի:

Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով

Տարբեր աստիճանի մշակման ենթարկված արտադրանքը գրեթե ամբողջովին արտահանվում է 3-րդ երկրներ: Անցյալ տարի ԱՊՀ երկրների համար խորհրդանշական թիվն այս տարվա հունվար-հոկտեմբեր ժամանակահատվածում հասել է զրոյի: Ինչպես հայտնի է, մեր արտահանության ոլորտում առաջատար է համարվում հանքաքարն ու պղնձի խտանյութը:

Նոյեմբերին պղնձի համաշխարհային շուկայում հույս հայտնվեց հայրենական արտադրանքի այդ ոլորտի համար: Տարեսկզբից պղնձի համաշխարհային գներն աճեցին մոտ 1.3 անգամ: Հետաքրքիր է, որ որոշ փորձագետներ դա բացատրում են ԱՄՆ նախագահական ընտրություններով:

Հաղթանակ տարած Դոնալդ Թրամփը խոստացել է 10 տարում կրկնակի մեծացնել երկրի ենթակառուցվածքներում պետական ներդրումները: Իհարկե, այդ դեպքում միայն պղնձով բանը չի ավարտվի, եւ կարող է տեղաշարժ լինել նաեւ հումքի այլ տեսակների համաշխարհային գներում: Դա, իհարկե, միայն հայտարարություն է, որը բորսայում աժիոտաժ է առաջացրել, հնարավոր է՝ ժամանակավոր: Բացի այդ, շատ բան կախված է աշխարհի մյուս խոշոր տնտեսությունից՝ Չինաստանից:

Վերամշակող արդյունաբերության մասնաբաժինը ընդհանուր ցուցանիշում 3.7 տոկոս է կազմել: Այստեղ առանձնացել է ծխախոտի արտադրանքը, որի մասնաբաժինը աճի տեմպում 1.5 տոկոս է, խմիչքը՝ 0.5 տոկոս, ոսկերչական իրերը՝ 1.3 տոկոս: Այս ոլորտներում առաջընթացը հիմնականում պայմանավորված է եղել դրանց արտադրանքի ներմուծմամբ:

Այսպես՝ խմիչքների իրացման ծավալը գրեթե 30 տոկոսով, իսկ ծխախոտինը՝ 74 տոկոսով բաժին է հասել արտահանմանը: Ընդ որում, խմիչքներ արտահանվել են գերազանցապես ԱՊՀ, մեծամասամբ՝ Ռուսաստան, իսկ ծխախոտ՝ հիմնականում երրորդ երկրներ:

Սմբատ Գրիգորյան