Վրաստանի նախկին նախագահ Միխայիլ Սահակաշվիլին դրամահավաք է սկսել Ուկրաինայում նորաստեղծ կուսակցության զարգացման համար։ Բոլոր նրանց, ովքեր ուզում են աջակցել երկիրը գերտերություն դարձնելուն, Սահակաշվիլին հրավիրել է գումար փոխանցել հատուկ այդ նպատակով ստեղծված կայքի միջոցով, փոխանցում է «ՌԻԱ Նովոստին»։
Մինչ այդ Սահակաշվիլին հայտնել էր «Նոր ուժերի շարժում» քաղաքական ուժ ստեղծելու մտադրության մասին։
«Մենք հավատում ենք, որ դա հնարավոր է։ Մենք սկսում ենք մեզնից։ Ուզում ենք սկզբից եւեթ կառուցել ազնիվ փոխհարաբերություններ պետության հետ ու հայտարարում ենք դրամահավաք «Նոր ուժերի շարժման» զարգացման ու Ուկրաինան գերտերություն դարձնելու մեր հավակնոտ ծրագրերի իրականացման համար»,- գրել էր Սահակաշվիլին Facebook–ում։
Սահակաշվիլին հավելել է, որ ինքն ու իր համախոհները ուզում են օլիգարխներին հեռացնել որոշումների կայացման գործընթացից։