Դանիայի իշխանությունները մտադիր են հետ կանչել յոթ F-16 օդանավեր, որոք մասնակցում են Սիրիայում ու Իրաքում «Իսլամական պետություն» ահաբեկչական խմբավորման դեմ միջազգային կոալացիայի գործողությանը։ Այս մասին հայտնել է «Ռոյթեր» գործակալությունը։
Այս շաբաթ ԱՄՆ միջադեպերի հետաքննության հարցերով ռազմական հանձնաժողովը հայտնել էր, որ Դանիայի օդանավերը մասնակցել են սեպտեմբերի 17-ին կոալիցիայի ավիահարվածին, որի հետեւանքով զոհվել են սիրիական կառավարության հետ կապեր ունեցող զինվորականներ։ Այս տվյալների հրապարակումից հետո Դանիայի ԱԳ նախարարը Անդերս Սամուելսենը ու պաշտպանության նախարար Կլաուս Հյորտ Ֆրեդերիքսենը որոշել են հետ կանչել օդանավերը։ Թե երբ են օդանավերը վերադառալու Դանիա, չեն հայտնում։
Դանիայի ՌՕՈւ օդանավերը սկսել են ավիահարվածներ հասցնել Սիրիայում ու Իրաքում ԻՊ զինյալների դիրքերին անցած տարվա օգոստոսից՝ ԱՄՆ ղեկավարած միջազգային կոալիցիայի շրջանակում։
Միջազգային կոալիցիայի օդանավերը սեպտեմբերի 17-ին չորս հարված են հասցրել սիրական զորքերին, որոնք շրջապատված էին ԻՊ խմբավորման կողմից Դեր Զորի աէրոդրոմի տարածքում։ Սիրիական կառավարության տվյալներով զոհվել էր 83 մարդ, ավելի քան 100-ը վիրավորվել էր։ Դրանից հետո ԻՊ խմբավորումը անցել էր գրոհի Սիրիայի բանակի դիրքերի վրա։ Ամերիկացի գեներալ Ռիչարդ Քոուն նախօերին հայտարարել է, որ սիրիական զորքերի վրա կոալիցիայի հարվածը միտումնավոր չի եղել ու սխալը մարդկային գործոնով է եղել պայմանավորված։
Կոպենհագենը, որի օդանավերը նույնպես մասնակցել էին այդ ավիահարվածին, սեպտեմբերին հայտնել էր, որ պատրաստ է Դամասկոսից ներողություն խնդրել,եթե սխալ հարվածի մասին տվյալները հաստատվեն։
