Միջերկրական ծովով Եվրոպա հասնելու ճանապարհին զոհված միգրանտների թիվը մինչեւ տարեվերջ կարող է հասնել 5 հազարի։ Այս մասին հայտնել է ՄԱԿ-ի փախստականների հարցերով գերագույն հանձնակատար Ֆիլիպո Գրանդին, փոխանցում է «ՌԻԱ Նովոստին»։
Հռոմում «Միջերկրական երկխոսություններ» միջազգային համաժողովի ժամանակ Գրանդին այս իրավիճակը բնութագրել է որպես «գլոբալ ճգնաժամ»։
Նրա խոսքով այս տարի Միջերկրական ծովը հատել է 400 հազար միգրանտ, որոնցից 170 հազարը Իտալիա է ժամանել։
Գրանդին նաեւ նշել է, որ Եվրոպան մի քիչ «անհեռատեսական» է արձագանքել իմիգրացիոն ճգնաժամին, մինչդեռ այս բարդ իրավիճակը հաղթահարելու համար Եվրոպան պետք է բարեփոխի միգրանտների ընդունման իր համակարգը։
Եվրոպայում հիմա խոշորագույն միգրացիոն ճգնաժամ է Երկրորդ համաշխարհային պատերազմներից ի վեր։ Ճգնաժամի պատճառը նախեւառաջ Մերձավոր արեւելքում ու Հյուսիսային Աֆրիկայի երկրերւոմ զինված հակամարտություններն ու տնտեսական խնդիրներն են։
