Կոլումբիայում կործանված LaMia բոլիվիական ավիաընկերության օդանավի օդաչուն որոշել էր Բոգոտայում չլրացնել օդանավի վառելիքի պակասը, հայտնում է բոլիվիական Pagina Siete պարերականը ՝ վկայակոչելով ավիաընկերության ներկայացուցիչ Գուստավո Վարգասին։
Մինչ այդ կոլումբիական իշխանությունները հայտնել էին, որ օդանավը ընկել էր, որովհետեւ վառելիքն էր վերջացել։
«Օդաչուն նման որոշում է կայացրել, քանի որ կարծում էր, թե վառելիքը կբավականացնի։ Նա համարվում է փորձառու օդաչու, որը Շվեյցարիայում է սովորել»,- հայտնել է Վարգասը։
«Մենք պետք է հետաքննություն անցկացնենք, ու պարզենք, թե ինչու է նա որոշել թռչել ուղիղ Մեդելյին»,- հավելել է ավիաընկերության ներկայացուցիչը։
Վարգասը հայտնել է, որ կործանված օդանավը արտադրվել էր Բրիտանիայում ու լավ վիճակում էր։
Օդանավը կործանվել էր Մեդելյինից 50 կմ հեռավորության վրա։ Օդանավում 77 մարդ կար՝ անձնակազմի ինը անդամները ու 68 ուղեւոր, այդ թվում բրազիլական «Շակեկոենսե» ակումբի ֆուտբոլիստները, որոնք Մեդելյին էին ուղեւորվում՝ Հարավամերիկյան գավաթի եզրափակիչ խաղին։ Ավիավթարից հետո ողջ մնացածները վեցն են, նրանցից երեքը ֆուտբոլիստներ Ալան Ռուշելը, Ջեքսո Ֆոլմանը ու Խելիո Սամպյեր Նետոն։