Կուրիլյան կղզիներում մեկ օրվա ընթացքում երկու երկրաշարժ է գրանցվել: «Ինտերֆաքս»-ի փոխանցմամբ՝ այս մասին հայտնել է Արտակարգ իրավիճակների նախարարության Հեռավորարեւելյան տարածաշրջանային կենտրոնի մամուլի ծառայությունը:
Առաջինը տեղի է ունեցել Կուրիլսկ քաղաքից 110 կմ հյուսիս-արեւելք: Այն կազմել է 4,6 մագնիտուդ, օջախը գտնվել է 65 կմ խորությամբ:
4,4 մագնիտուդով երկրորդ երկրաշարժը տեղի է ունեցել Ուրուպ կղզում, Կուրիլսկ քաղաքից 162 կմ հյուսիս-արեւելք՝ 160 կմ խորությամբ: Զոհերի եւ ավերածությունների մասին չի հաղորդվում: