ԱՄՆ պաշտպանության նախարար Էշթոն Քարթերը արտահայտվել է գեներալ Ջեյմս Մեթթիսի մասին, որին ընտրված նախագահ Դոնալդ Թրամփը մտադիր է առաջադրել Պենտագոնի ղեկավարի պաշտոնի համար։ Քարթերի հայտարարությունը տարածել է Պենտագոնի մամուլի ծառայությունը, փոխանցում է Lenta–ն։
«Ես երկար տարիներ ճանաչում եմ գեներալ Մեթթիսին ու բարձր եմ գնահատում նրան»,- ասել է Քարթերը, հավելելով, որ ինքը բոլոր ջանքերը կգործադրի ԱՄՆ ՊՆ-ում ղեկավարության սահուն փոփոխության համար։
