ՀՀ բնապահպանության նախարարության բնապահպանական պետական տեսչության կողմից 28.11-02.12.2016թթ. ժամանակահատվածում իրականացված շրջայցերի, ԲՊՏ վարույթին հանձնված գործերի քննության եւ հաշվետվությունների ընդունման գործընթացում հայտնաբերված խախտումների արդյունքում կայացվել է 13մլն.դրամ ընդհանուր գումարի վարչական տուգանքի 12 որոշում եւ հաշվարկվել 1.3մլն.դրամ ընդհանուր գումարի շրջակա միջավայրին հասցված վնաս:
Մասնավորապես`
Բուսական աշխարհի պահպանության ոլորտ
Կազմվել է վարչական տուգանքի 8 որոշում՝ 550 հազար դրամով եւ հաշվարկվել է 1.3մլն.դրամ ընդհանուր գումարի շրջակա միջավայրին պատճառված վնաս, որից ՝
Լոռու տարածքային բաժնի վարույթին հանձնված գործերի քննության արդյունքում հատված 9 ծառերի եւ 3.3խմ թափուկ վառելափայտի համար 3 ֆիզիկական անձանց նկատմամբ կայացվել է 200 հազար դրամ ընդհանուր գումարի վարչական տուգանքի 3 որոշում եւ հաշվարկվել է 224.4 հազար դրամ ընդհանուր գումարի շրջակա միջավայրին հասցված վնաս:
Արարատի բաժնի կողմից ստուգայցերի ընթացքում հայտնաբերված խախտումների համար 4 ֆիզիկական անձանց նկատմամբ կայացվել է 300 հազար դրամ ընդհանուր գումարի վարչական տուգանքի 4 որոշում եւ հաշվարկվել է 108 հազար դրամ ընդհանուր գումարի շրջակա միջավայրին հասցված վնաս:
Շիրակի տարածքային բաժնի կողմից ապօրինի ծառահատման դեպքի համար կայացվել է 50 հազար դրամի վարչական տուգանքի որոշում եւ հաշվարկվել է 12 հազար դրամ գումարի շրջակա միջավայրին հասցված վնաս:
Վայոց ձորի տարածքային բաժնի կողմից ապօրինի ծառահատման դեպքի համար հաշվարկվել է 126.75 հազար դրամի շրջակա միջավայրին հասցված վնաս: Վարչական վարույթը ընթացքի մեջ է:
Սյունիքի տարածքային բաժինը Ոստիկանության Կապանի բաժնի հետ համատեղ հայտնաբերել է 0.7 խմ կտրտված փայտանյութ:
Տավուշի տարածքային բաժնի վարույթին հանձնված գործերի քննության արդյունքում հատված 9 ծառերի համար 2 ֆիզիկական անձանց նկատմամբ հաշվարկվել է 801.24 հազար դրամ ընդհանուր գումարի շրջակա միջավայրին հասցված վնաս:
Կենդանական աշխարհի պահպանության ոլորտ
Շաբաթվա ընթացքում հայտնաբերվել եւ առգրավվել է 81 հատ /73կգ/ «սիգ» տեսակի տիրազուրկ թարմ ձուկ, որսված 2 այծյամ, որից՝
Սյունիքի տարածքային բաժինը Ոստիկանության Կապանի բաժնի հետ համատեղ հայտնաբերել է որսագողության դեպք՝ որսված 2 այծյամ, մորթազերծված եւ կտրտված վիճակում, ընդհանուր 15.8կգ քաշով: Նյութերը գտնվում են հետաքննության մարմնում:
Երեւանի տարածքային բաժնի կողմից կիրառված միջոցառումների արդյունքում առգրավվել է 61 հատ (61 կգ) «սիգ» թարմ ձուկ, ինչը հանձնվել է Գիշերօթիկ դպրոցներին:
Կոտայքի տարածքային բաժնի կողմից շրջայցերի ընթացքում առգրավվել է 20 հատ /12կգ/ <<սիգ>> տեսակի թարմ ձուկ, ինչը հանձնվել է Աբովյան քաղաքի «Նարեկ» ծերանոց:
Վայոց ձորի տարածքային բաժինը Ոստիկանության Եղեգնաձորի բաժնի հետ համատեղ հայտնաբերել է էլեկտրահարման եղանակով ապօրինի ձկնորսության 1 դեպք, հաշվարկվել է 10 հազար դրամի շրջակա միջավայրին հասցված վնաս: Հարուցվել է քրեական գործ:
Վայոց ձորի տարածքային բաժնի կողմից որսագողության դեպքի համար ֆիզիկական անձի նկատմամբ կայացվել է 150 հազար դրամի վարչական տուգանքի որոշում եւ հաշվարկվել է 8 հազար դրամ գումարի շրջակա միջավայրին հասցված վնաս:
Ջրերի պահպանության ոլորտ
Տավուշի տարածքային բաժնի կողմից տնտեսվարողի նկատմամբ կայացվել է 200 հազար դրամի վարչական տուգանքի որոշում:
Բնապահպանական եւ բնօգտագործման վճարի եռամսյակային հաշվետվությունները սահմանված ժամկետում չներկայացնելու համար
Կազմվել է վարչական տուգանքի 2 որոշում՝ 130 հազար դրամով. որից՝
Կոտայքի տարածքային բաժնի կողմից տնտեսվարողի նկատմամբ կայացվել է 80 հազար դր. գումարի վարչական տուգանքի որոշում:
Գեղարքունիքի տարածքային բաժնի կողմից տնտեսվարողի նկատմամբ կայացվել է 50 հազար դրամի վարչական տուգանքի որոշում:
Վարչարարության եւ փորձաքննության վերահսկողության բաժինը դատական ակտերի հարկադիր կատարման է ներկայացրել 11 վարչական տուգանքի որոշում 850 հազար դրամ ընդհանուր գումարի չափով եւ վնասի փոխհատուցման 7 որոշում՝ 424 հազար դրամ ընդհանուր գումարի չափով:
Ընդհանուր առմամբ ՀՀ բնապահպանության նախարարության բնապահպանական պետական տեսչության կիրառած նախորդ պատժամիջոցներից հաշվետու ժամանակահատվածում ՀՀ պետական բյուջե է մուտքագրվել 1.4մլն.դրամ: