Ավստրալացի գիտնականները նախազգուշացնում են, որ Ավստրալիային անսովոր շոգ եղանակ է սպառնում։ Մասնագետների կարծիքով իշխանությունները պետք է վերանայեն ցիկլոնային տիպի վարկանիշային համակարգը, որպեսզի հնարավորինս արդյունավետ նախապատրաստվեն շոգին, հայտնում է Svopi.ru–ն։
«Երբ դուք նախազգուշացում եք ստանում առաջ շարժվող տրոպիկական ցիկլոնի կամ անտառային հրդեհի մասին, դա, իհարկե, սարսափելի է։ Իսկ աննորմալ շոգի մասին նախազգուշացման մեջ ոչ մի վտանգավոր բան չեք տեսնում։ Այդ պատճառով միայն ջերմային ալիքի մասին հստակ պատկերացնում ունենալով՝ դուք կարող եք գնահատել ռիսկը։ Եվ մենք պատրաստ ենք մարդկանց սովորեցնել հասկանալ վտանգը»,– ասել է հետազոտության հեղինակ Լորիդան Թոմասը։
Նա նշել է, որ պատմական գրառումները հստակ կապ են նշում մահացության դեպքերի աճի եւ տաք ժամանակաշրջանների միջեւ։ Շոգը կարելի է բաժանել 3 դասակարգի՝ ցածր ինտենսիվության, ծանր եւ էքստրեմալ, ինչն էլ կարող է օգնել մարդկանց հասկանալ վտանգը։
Ընդ որում, մարդկանցից շատերը վստահ են, որ շոգին կարելի է ընտելանալ, սակայն դա այդպես չէ։ Ցածր ինտենսիվության ջերմային ալիքները ավելի շատ են ազդում երիտասարդ սերնդի վրա, իսկ ահա ծանր ջերմային ալիքներն ավելի շատ արտահայտվում են ավագ սերնդի առողջական վիճակի վրա։ Իսկ էքստրեմալ ալիքներն ազդում են բոլորի վրա։ Նման ալիքները վրա են հասնում մոտավորապես ամեն 50 տարին մեկ, սակայն գիտնականները նշում են, որ վերջին ժամանակներս այդ ժամանակաշրջանը սկսվել է կրճատվել։
