Ադրբեջանում դաժանաբար ծեծել են Nigar կլինիկայի համահիմնադիր Շահբազ Շահբազովին, որը համարձակվել էր հայտնել ապօրինի զավթման մասին
haqqin.az-ի փոխանցմամբ երկու տասնյակ ամրակազմ երիտասարդներ ներխուժել էին Ադրբեջանի բժշկական համալսարանի մանկաբարձության ու գինեկոլոգիայի կաֆեդրայի պրոֆեսոր, Nigar կլինիկայի համահիմնադիր Շահբազ Շահբազովի բնակարան ո ւ դաժանաբար ծեծել նրան։ Հարձակվողները փակել են բնակարանի դուռը ու փախուստի դիմել, ծեծված պրոֆեսորին թողնելով տանը։ Պրոֆեսորը պատմել է, որ ինքը պատահարի մասին հայտնել է ՆԳՆ «102» թեժ գիծ, բայց առայժմ ոչ մի արձագանք չի եղել։ Շահբազի կինը գնացել է ոստիկանության մոտակա բաժանմունք, հաղորդում տալու համար։
Հիշեցնենք, որ ավելի վաղ հայտնի էր դարձել, որ հանցագործները փորձել են զավթել Nigar կլինիկան։ Նոյեմբերի 5-ի վաղ առավոտյան 40-50 ամրակազմ երիտասարդներ ներխուժել էին բուժհաստատություն, բոլոր հիվանդներին փողով վռնդել, կոտրել դռները, մտել տնօրենի ու հաշվապահի սենյակներ, վեցրել ամբողջ գումարը, նաեւ փաստաթղթերը, կնիքները, համակարգիչները։ Բժիշկներին ու բուժքույրերին էլ հայտնել են, որ այդ օբյեկտն այսուհետ Իլհամ Մամեդովին է պատկանում։ Շահբազովը բացատրել է, որ Իլհամ Մամեդովը իր գործընկերն է մի քանի ձեռնարկություններում, բայց կլինիկան Մամեդովի հետ ոչ մի կապ չունի։