Հարավային Կորեայի մայրաքաղաքում առնվազն 900 հազար մարդ է դուրս եկել փողոցներ՝ նախագահ Պակ Կըն Հեի հրաժարականի պահանջով, հայտնում է ՏԱՍՍ-ը։
Ակցիայի մասնակիցները մտադիր են ուժեղացնել նախագահի վրա ճնշումները, որպեսզի նա ինքնակամ հրաժարական տա։
Սա նախագահի հրաժարականի պահանջով արդեն վեցերորդ զանգվածային հանրահավաքն է կոռուպցիոն սկանդալից հետո։
Մեկ այլ հանրահավաք էլ անցել է խորհրդարանի շենքի մոտ։ Մոտ 20 հազար մարդ «Սենուրի» իշխող կուսակցությունից պահանջում էր աջակցել Պակ Կըն Հեի իմփիչմենթի մասին ընդդիմության ներկայացրած բանաձեւը։