ԱՄՆ Օրեգոնի նահանգում անհետացել է Վելվետ անունով 27-ամյա կատուն, որն անցյալ տարի պաշտոնապես ճանաչվել էր աշխարհի ամենածեր կատու, հայտնում է Lenta–ն։
Վելվետը մոտ 2 ամիս առաջ փախել է տանից, սակայն այդ մասին հայտնի է դարձել միայն օրերս։ Կատվի տիրուհի Էշլի Օքուրան տխուր նորությունը հայտնել է Ինստագրամում։
Կնոջ խոսքով՝ Վելվետը հոկտեմբերի 9-ին դուրս է վազել տան կիսաբաց դռնից եւ այլեւս չի վերադարձել։
«Ես սարսափելի կարոտում եմ ու հույս ունեմ, որ նա կվերադառնա։ Սակայն տրամաբանությունս հուշում է, որ Վելվետն այլեւս տուն չի դառնա»,– գրել է նա։
Հիշեցնենք, որ անցյալ տարի կատվին գրանցել էին Գինեսի ռեկորդների գրքում որպես աշխարհում ապրող ամենածեր կատու։ Վելվետը Էշլի տանն էր հայտնվել 1989 թվականին, երբ 7 տարեկան էր։
