Լուիզիանա նահանգում իրավապահները կնոջն առեւանգողի հետ փոխհրաձգության ժամանակ ավելի քան 500 կրակոց են արձակել, որոնցից միայն երեքն է դիպուկ եղել, հայտնում է he New Orlean’s Advocate պարբերականը։
Նոյեմբերի 29-ի երեկոյան Քրիստոֆեր Գարսին, օգտվելով Backpage.com հայտարարությունների հարթակից, պայմանավորվել է հանդիպել մի անծանոթ կնոջ հետ։ Երբ կինը եկել է, տղամարդը ստել է, իբրեւ ոստիկանությունում է աշխատում, նրան մեղադրել է մարմնավաճառության մեջ, իսկ հետո կապել ու նստեցրել իր ավտոմեքենան։
Երբ նրանք ացնում էին Մանդեվիլ քաղաքի մոտով, կնոջը հաջողվել է ազատվել ու փախչել։ Նա օգնություն է կանչել, իսկ շերիֆի օգնականները սկսել են հետապնդել Գարսիին։
Հետապնդումը շարունակվել է ավելի քան 60 կմ ու ավարտվել նրանով, որ կասկածյալի մեքենան դուրս է եկել ճամփեզրից ու շրջվել։ Գարսին թաքնվել է մեքենայի հետեւում ու սկսել է կրակել։ Նա նաեւ այդ ամենը տեսագրել է բջջայինով։ Տղամարդը հանձնվել է միայն այն ժամանակ, երբ նրա մայրը դեպքի վայր է եկել։
Դիմակայության ժամանակ ոստիկանները 500 կրակոց են արձակել, բայց միայն 3 անգամ են հասել նշանակետին։ Շերիֆը բացատրել է, որ իր օգնականներին խանգարում էր ածուխը , որի տակ հայտնվել էր մեքենան ու մեքենայում բացված անվտանգության բարձիկը։ Բացի դրանից նրանք չէին ցանկանում սպանել կասկածյալին։
