Եթե մենք ստվերը չբերենք սպիտակ դաշտ, մենք ապագա չենք ունենա: Այդ մասին ասել է Հայաստանի վարրչապետ Կարեն Կարապետյանը Հայկական բարեգործական ընդհանուր միության 110-ամյակի միջոցառումների շրջանակներում կազմակերպված քննարկմանը:
Վարչապետը նշել է, թե կառավարությունում այս պահին ամփոփում են բոլոր ծրագրերը, եւ ձեւավորելու են նոր երկարաժամկետ ռազմավարություն: «Կառավարության առաջնահերթ խնդիրներից մեկն է արդար, հավասար մրցունակ դաշտ ստեղծելը: Այս պահին միայն դա բավարա՞ր է, որ մեր տնտեսություն ուժեղանա: Ոչ այնքան: Մենք պատրաստ ենք մեր վրա վերցնել որոշակի խթանողի դերակատարում, որ բիզնեսն աշխուժանա, ոգեւորվի եւ հավատա»,- ասել է Կարապետյանը:
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Նա հիշեցրել է, որ հարկային օրենսգիրքը ընդունել են վերջերս: «Շատ լավ հասկանում ենք, որ դա ոչ բոլորի կողմից է ընդունելի: Եթե մենք ստվերը չբերենք սպիտակ դաշտ, մենք ապագա չենք ունենա»,- ասել է նա:
«Մեր առջեւ դրված առաջնային խնդիրն այն է, որ կարողանանք հասրաակության հետ հետադարձ կապ ստեղծենք: Եթե բիզնեսը չարձագանքի, հասարակությունը չարձագանքի, իրավիճակը փրկելը անհնար է»,- նկատել է Կարապետյանը:
Ըստ վարչապետի, կոռուցիան վերացնելու համար թիվ մեկ պայմանը միջավայրի փոփոխությունն է: