Սաուդյան Արաբիայի Աբդալլահի համալսարանի մասնագետները կարողացել են ոսկու հիմքի վրա բացարձակ սեւ մարմին են ստեղծել, գրում է Nature Nanotechnology-ն:
Գիտնականների խոսքով՝ իրենց ստեղծած նյութը կլանում է լույսի 98.43 տոկոսը: Ցանկացած նյութ, որը կպատվի դրանով, բացարձակ սեւ կդառնա:
Աշխատելով սեւ նյութի հետ՝ գիտնականներն օգտագործել են բնության «գյուտը»: Cyphochilus կոչվող բզեզը սպիտակաթույր զրահ ունի, որի պատճառով այն մեր մոլորակի ամենասպիտակ էակն է համարվում:
Սեւ նյութը կազմված է նանոմասնիկներից: Ամեն նանոմասնիկ բաղկացած է ոսկուց եւ ունի բարդ ձեւ: Բոլոր մասնիկները ամրացված են կաղապարին, սակայն դասավորված են կամայական հերթականությամբ: Դա մասնիկներին թույլ է տալիս կատարել ռադիոհաղորդափողի դեր: Դրա շնորհիվ նյութն արդյունավետ կլանում է ֆոտոնները:
Մասնագետների խոսքով՝ լույսը 98.43 տոկոսով կլանելու մակարդակին հասնելու համար այդ նյութն առարկաներին են քսում 10.2 միկրոմետր հաստությամբ: