Գլենդելի 24-ամյա բնակիչ Տիգրան Զմրուխտյանին մեղադրանք է առաջադրվել անցյալ ամիս Բուրբանքի զենքի խանութում տեղի ունեցած կողուպուտի առնչությամբ:Նա մասնավորապես մեղադրվում է նոյեմբերի 22-ի առավոտյան AEGIS Trading Enterprises-ը կողոպտելու մեջ: Համաձայն ոստիկանության տրամադրած տեղեկատվության՝ խանութից գողացվել է յոթ հրացան:
Los Angeles Times-ի փոխանցմամբ, ոստիկանության կողմից վերականգնված անվտանգության տեսախցիկները ֆիքսել են խանութի մոտից հեռացող Mercedes C սեւ ավտոմեքենան: Նույն ավտոմեքենան ավելի ուշ նկատել են Հոլիվուդում մեկ այլ կողպուտի փորձի ժամանակ: Այդ հանցագործության կադրերի միջոցով Բուրբանքի ոստիկանությունը վերջնականապես որոշում է կայացրել ներգրավել Զմրուխտյանին որպես կասկածյալ վերոնշյալ երկու քրեական գործերի շրջանակում:
Ոստիկանությունը այնուհետեւ հսկողություն է սահմանել Զմրուխտյանի՝ Գլենդելում գտնվող բնակավայրում, որտեղ նրանք ֆիքսել են կադրերում հայտնված ավտոմեքենան: Համաձայն ոստիկանության՝ Զմրուխտյանը փորձել է ոտքով փախուստի դիմել այն բանից հետո, երբ նրանք փոձել են վերջինիս հետ կապ հաստատել: Նրան այնուհետեւ ձերբակալել են:
Զմրուխտյանի տանն անցկացված խուզարկման արդյունքում հայտնաբերվել են վերոնշյալ գողացված հրացանները: Ավտոմեքենայում նաեւ հայտնաբերվել են կողոպուտի ժամանակ օգտագործվող գործիքներ եւ մետաֆետամին:
Ի լրումն, ոստիկանությունը հայտնաբերել է, որ մեքենան եղել է գողացված: Լոս Անջելեսի շրջանի տարածքային դատախազությունը մի շարք մեղադրանքներ է առաջադրել Զմրուխտյանին կողոպուտի, կողոպուտի կատարման փորձի, ավտոմեքենայի գողության եւ որպես նախկին մեղադրյալ զենքի տիրապետելու հոդվածներով: